SALAMU KUSHEREHEKEA SIKUKUU YA MUUNGANO WA TANZANIA KUTOKA CCM UK .

Baba wa taifa Mwalimu Julius Kambarage Nyerere akichanganya udongo wa Tanganyika na zanzibar kuashiria Muungano wa nchi hizi mbili mnamo aprili 26 mwaka 1964

Ndugu Wa Tanzania,

Kwa niaba ya tawi la Chama Cha Mapinduzi Uingerez,na kwa niaba yangu binafsi, Napenda kutoa salamu kwa Mwenyekitiwa Chama Cha Mapinduzi na Rais wa Jamhuri ya Muungano wa Tanzania, Mheshimiwa Dr.Jakaya Mrisho Kikwete, kwa Rais wa Zanzibar na Mwenyekiti wa Baraza la Mapinduzi Dr. Ali Mohammed Shein kwa Serikali ya Jamhuri ya Muungano wa Tanzania,na kwa Watanzania wote kwa ujumla kwa kutimiza miaka 49 ya Muungano wa nchi yetu, TANZANIA.

Pamoja na salamu hizo, binafsi na kwa niaba ya wana CCM UK ,napenda kuwaomba na kuwakumbusha WaTanzania wenzangu, tuendelee kuuenzi na kuulinda Muungano wetu kwa kudumisha AMANI, UPENDO, UMOJA, UTULIVU na MSHIKAMANO. Hizi ndizo silaha zilizoweza kuulinda Muungano huu ambao umetuletea Heshima ya kipekee Duniani kote, kwa nusu karne sasa.

Ndugu Wa Tanzania,  nawasihi kamwe tusichezee amani tuliyonayo. Tujifunze kutoka nchi mbalimbali duniani ambazo wamechezea amani yao na sasa wamo ndani ya dimbwi kubwa la machafuko, mauaji ya halaiki na yanayoendelea kila kukicha

Aidha, Watanzania wa Nje ya Nchi (Diaspora)tunajivunia na kutambua kwamba tuna nafasi ya pekee ya kuchangia katika maendeleo ya Nchi yetu Tanzania katika Nyanja tofauti . Mojawapo ya Mchango wetu Mkubwa kwa Taifa ni kufuatilia kwa ukaribu mambo yanayoendelea nyumbani ,na kutoa mchango wetu wa kimawazo pale inapobidi.

CCM-UK tutaendelea kutoa shukrani za dhati kwa Mwenyekitiwa CCM Taifa na Rais wa Jamhuri ya Muungano wa Tanzania Dr.Jakaya Mrisho Kikwete , pamoja na Serikali yake anayoiongoza kwa kuona umuhimu wa kutushirikisha Wana Diaspora na kuthamini mchango wetu.

Tunafarijika sana na kuahidi siku zote kwamba tutaendelea kuchangia kwa kiasi kikubwa maendeleo ya Tanzania, kama inavyowezekana kwa raia wengine

Wengi Ulimwenguni wanaoishi nje ya Nchi zao na wana changia kukuza uchumi na kuendeleza jamii zao kwa kutumia ujuzi na ufanisi waliojifunza ughaibuni.

Mwisho nawatakieni watanzania wenzangu kusherehekea sikukuu ya muungano kwa amani na Utulivu mkubwa.

Tuwaenzi waasisi wetu, Baba wa Taifa Mwalimu Julius Kambarage Nyerere na Abeid Aman Karume kwa kuulinda muungano.

MAISHA BORA KWA KILA MTANZANIA, SI NDOTO YANAWEZEKANA.

Kwan niaba ya CCM UK – Nawatakia Watanzania wote popote pale walipo Duniani Maadhimisho na Sherehe njema za siku hii adhimu.

 MUNGU IBARIKI AFRIKA – MUNGU IBARIKI TANZANIA

KIDUMU CHAMA CHA MAPINDUZI.

—————————————————–

Mariam A. Mungula

KATIBU

CHAMA CHA MAPINDUZI – UINGEREZA